|
[ |
]
Click on title of any passage numbered in red to access an English translation.
| 195. | Root of Wisdom |
| 6 | ῥίζα
σοφίας τίνι ἀπεκαλύφθη; καὶ τὰ πανουργεύματα αὐτῆς τίς ἔγνω; |
| 8 | εἷς ἐστιν
σοφός, φοβερὸς σφόδρα, καθήμενος ἐπὶ τοῦ θρόνου αὐτοῦ. |
| 9 | <κύριος
αὐτὸς ἔκτισεν αὐτὴν... καὶ ἐξέχεεν αὐτὴν ἐπὶ πάντα τὰ ἔργα αὐτοῦ, |
| 10 | μετὰ
πάσης σαρκὸς κατὰ τὴν δόσιν αὐτοῦ, καὶ ἐχορήγησεν αὐτὴν τοῖς ἀγαπῶσιν αὐτόν. |
| --- Septuagint, Sirach 1:6-10 |
| 196. | Limit to Human Understanding |
| 21 |
χαλεπώτερά σου μὴ ζήτει καὶ ἰσχυρότερά σου μὴ ἐξέταζε· |
| 22 | ἃ
προσετάγη σοι, ταῦτα διανοοῦ, οὐ γάρ ἐστίν σοι χρεία τῶν κρυπτῶν. |
| 23 | <ἐν τοῖς
περισσοῖς τῶν ἔργων
σου μὴ περιεργάζου· πλείονα γὰρ συνέσεως ἀνθρώπων ὑπεδείχθη σοι. |
| 24 | πολλοὺς
γὰρ ἐπλάνησεν ἡ ὑπόλημψις αὐτῶν, καὶ ὑπόνοια πονηρὰ ὠλίσθησεν διανοίας αὐτῶν. |
| --- Septuagint, Sirach 3:21-24 |
| 197. | The Scholar's Life |
| 1 | Πλὴν τοῦ
ἐπιδιδόντος τὴν ψυχὴν αὐτοῦ καὶ διανοουμένου ἐν νόμῳ ὑψίστου, σοφίαν πάντων ἀρχαίων ἐκζητήσει καὶ ἐν προφητείαις ἀσχοληθήσεται, |
| 2 | διήγησιν
ἀνδρῶν ὀνομαστῶν συντηρήσει καὶ ἐν στροφαῖς παραβολῶν συνεισελεύσεται, |
| 3 | ἀπόκρυφα
παροιμιῶν ἐκζητήσει καὶ ἐν αἰνίγμασι παραβολῶν ἀναστραφήσεται. |
| 4 | ἀνὰ μέσον
μεγιστάνων ὑπηρετήσει καὶ ἔναντι ἡγουμένων ὀφθήσεται· ἐν γῇ ἀλλοτρίων ἐθνῶν διελεύσεται, ἀγαθὰ γὰρ καὶ κακὰ ἐν ἀνθρώποις ἐπείρασεν. |
| 5 | τὴν
καρδίαν αὐτοῦ ἐπιδώσει
ὀρθρίσαι πρὸς κύριον τὸν
ποιήσαντα αὐτὸν καὶ ἔναντι ὑψίστου δεηθήσεται· καὶ ἀνοίξει στόμα αὐτοῦ ἐν προσευχῇ καὶ περὶ τῶν ἁμαρτιῶν αὐτοῦ δεηθήσεται. |
| 6 | ἐὰν
κύριος ὁ μέγας θελήσῃ, πνεύματι συνέσεως ἐμπλησθήσεται· αὐτὸς ἀνομβρήσει ῥήματα σοφίας αὐτοῦ καὶ ἐν προσευχῇ ἐξομολογήσεται κυρίῳ· |
| 7 | αὐτὸς
κατευθυνεῖ βουλὴν αὐτοῦ
καὶ ἐπιστήμην καὶ ἐν τοῖς ἀποκρύφοις αὐτοῦ διανοηθήσεται· |
| 8 | αὐτὸς
ἐκφανεῖ παιδείαν διδασκαλίας
αὐτοῦ καὶ ἐν νόμῳ διαθήκης κυρίου καυχήσεται. |
| 9 |
αἰνέσουσιν τὴν σύνεσιν
αὐτοῦ πολλοί, καὶ ἕως τοῦ αἰῶνος οὐκ ἐξαλειφθήσεται· οὐκ ἀποστήσεται τὸ μνημόσυνον αὐτοῦ, καὶ τὸ ὄνομα αὐτοῦ ζήσεται εἰς γενεὰς γενεῶν· |
| 10 | τὴν
σοφίαν αὐτοῦ διηγήσονται
ἔθνη, καὶ τὸν ἔπαινον αὐτοῦ ἐξαγγελεῖ ἐκκλησία· |
| 11 | ἐὰν
ἐμμείνῃ, ὄνομα καταλείψει
ἢ χίλιοι, καὶ ἐὰν ἀναπαύσηται, ἐκποιεῖ αὐτῷ. |
| --- Septuagint, Sirach 39:1-11 |
|
[ |
